: Uppákoma fyrir krakka eftir leik Íslands og Túnis

 

Sæl öll

 

Eftir seinni leik Íslands og Túnis þá mun HSÍ vera með uppákomu fyrir krakka þar sem þau fá að hitta landsliðsmenn og konur, fá að láta taka af sér myndir með þeim, fá áritaðar myndir og spreyta sig á handboltaþrautum.

 

Þessi uppákoma byrjar strax eftir leikinn á laugardag, og stendur í klukkutíma.

 

Vinsamlegast látið sem flesta af ykkar krökkum vita af þessu.

 

Þessi uppákoma verður líka kynnt í fjölmiðlum í dag og á morgun.

 

Kær kveðja

 

Árni Stefánsson

Verkefnastjóri fræðslu

 

Það er komið JÓLAFRÍ

Dagskráin næstu vikur

Það er enginn æfing föstudaginn 21.des eins og ég var buin að segja.... Fylkishöll er lokuð föstdaginn 21.des þannig að stelpurnar eru komnar í langt jólafrí. Við byrjum aftur Föstudaginn 4.janúar í Fylkishöll og eftir það er venjuleg æfingatafla.

Gleðileg jól

Gleðileg Jól, hlakka til að sjá ykkur á nýju ári Kveðja
Þjálfari : Hilmar Á Björnsson

Dagskráin næstu vikur

Það er æfing í dag eins og aðra föstudaga klukkan 3.00 í Fylkishöll. Skólarnir loka í næstu viku og því verður enginn æfing á miðvikudaginn 19.des í næstu viku. Síðasta æfing fyrir jól er Föstudaginn 21.desember og verður Hildur þjálfari 6.flokk með hana þar sem ég verð farinn til Vestmannaeyja.  Við byrjum aftur Föstudaginn 4.janúar í Fylkishöll og eftir það er venjuleg æfingatafla.

Það styttist svo í næsta mót hjá okkur en það er helgina 01.-03. febrúar  í Umsjón HK. Stelpur verið duglegar að æfa ykkur í handbolta yfir jólin ;)

Stelpurnar hafa mikið verið að tala um hvort það eigi ekki að vera skemmtikvöld fljótlega þar sem farið er t.d í keilu, skauta, bío, pizzuveisla, horfa á leik með Fylki saman eða jafnvel skemmtigarðinn. Það er foreldraráð sem á að ákveða hvort eitthvað svona er gert. En þar sem við erum ekki með foreldraráð mæli ég með að 2-3 mömmur/pabbar komi sér saman og ákveði skemmtilkvöld. Það væri ekki vitlaust að stefna að þessu í janúar-febrúar.



Gleðileg Jól Kveðja
Þjálfari : Hilmar Á Björnsson

Minnum foreldra á frístundastyrk Reykjavíkurborgar 2012 sem rennur út um áramótin. Endilega skráið ykkur inn á Rafræn Reykjavík og ráðstafið honum. Annars fyrnist hann.

Kveðja
BUR

 

Senda þarf:

Nafn barns:

Kennitölu barns:

Nafn foreldra:

Kennitölu foreldra:

símanúmer foreldra:

á fylkirburh@gmail.com

Heil og sæl.

Árbæjarskóli og Norðlingasskóli loka húsum sínum 15.desember í ár.- Svo æfingarnar sem eru í þeim húsum falla niður eftir 15.desember.  Æfingar í Fylkishöllinni verða áfram. Þjálfarar mun gefa ykkur dagskránna í desember.

Í tilefni af EM- hvetjum við krakkana að bjóða vinum með sér á æfingu í desember til að prófa.

Kveðja
Barna og unglingaráð Fylkis

Barna og unglingráð vil minna foreldra á að ganga frá æfingagjöldum sem fyrst. Ef æfingagjöld hafa ekki verið greidd fyrir iðkanda er honum ekki heimilt að taka þátt í mótum sem flokkurinn fer á (gildir frá 1. nóvember fyrir haustönnina og 1. mars fyrir vorönnina).

Frístundavagn Fylkis mun frá og með 17. september 2012 til 30. apríl 2013 keyra samkvæmt meðfylgjandi skipulagi í tengslum við æfingar í Norðlingaholti, í Árbæjarskóla og á Fylkissvæðinu við Fylkisveg.  Vagninn verður í fríi í kringum jólin (15. desember til 6. janúar) og í kringum páskana ( 23. mars til 1. apríl ).

Sú breyting hefur verið gerð frá fyrra skipulagi að vagninn er á ferðinni milli kl. 14:00 og 17:00. Einnig geta iðkendur nýtt sér vagninn til og frá æfingum en ekki bara á æfingastað eins og fyrirkomulagið var.

 Félagið áskilur sér rétt til að gera breytingar á þessari áætlun vegna mögulegrar breytinga á fjármögnum, æfingatímum og þátttöku. 

Ferðirnar eru aðallega fyrir krakka í 1. til 4. Bekk í grunnskólum hverfisins: Ártúnsskóla, Árbæjarskóla, Selásskóla og Norðlingaskóla.  Eldri krakkar geta nýtt sér ferðirnar sé pláss.

Skráning í frístundavagninn fer fram á heimasíðu Fylkis www.fylkir.com.  Allir sem ætla að nýta sér vagninn verða að skrá sig ( líka eldri ).  

Dagskrá vagnsins verður gefin út á heimasíðu Fylkis og er mikilvægt að fylgjast vel með þeim breytingum sem upp kunnu að koma. Það þarf ekki að greiða sérstaklega fyrir að fara með vagninum eins og staðan er núna.

Starfsmaður frístundaheimilis mun fylgja þeim sem skráðir eru í frístundaheimili að vagninum.

Þar sem enginn auka starfmaður verður í vagninum er það á ábyrgð foreldra að börnin fari út á réttum stað og skili sér á æfingu.                                     

Þeir krakkar sem eru með töskur og föt geta geymt það á æfingastaðnum meðan æfingin er.                               Eftir að æfingu er lokið eru krakkarnir á ábyrgð foreldra. 

Mikilvægt er að foreldrar séu vel vakandi fyrir því hvernig dagskrá hópsins er sem barnið er að æfa með.  Æfingar geta fallið niður og stundum er æfingatíma breytt.

Vagninn bíður ekki eftir neinum heldur leggur af stað á umræddum tíma.

Vakni einhverjar spurningar skal þá hafa samband við íþróttafulltrúa Fylkis Hörð Guðjónsson                                      hordur@fylkir.com / 571-5604.  Einnig eru allar ábendingar vel þegnar.

Mót laugardaginn  17. nóvember í umsjón Fram

Mæting Hálftíma fyrir leik í Íþróttahús Fram. Hvert lið leikur fjóra leiki. Fylkir mætir klukkan 8.00 á laugardags morgun þar sem þær eiga fyrsta leik 8.30 og FylkirII mætir 12.12 þar sem þær eiga fyrsta leik klukkan 12.42. Stelpurnar eiga að mæta með appelsínugula búninga/boli, svartar stuttbuxur og hvíta sokka. Gott er að stelpurar hafi hollt og gott nesti milli leikja.

Fylkir á leiki 8.30 á móti ÍR, 8.54 á móti Fram, 09.42 á móti Haukum og 10.18 á móti Val
 
FylkirII á leiki 12.42 á móti Gróttu, 13.06 á móti Selfossi, 13.18 á móti HK og 13.42 á móti Stjörnunni

Fylkir : Katrín Erla, Katrín Vala, Halla María, Svava Lind

FylkirII : Saga Steinunn, Aldís, Elísa María, Linda Björg, Birta

Foreldrar látið vita ef barnið á ekki búning, Barna og unglingaráð gæti átt auka búninga. Einnig er mikilvægt að láta vita ef barnið kemst ekki, þar sem Fylkir er með akkurat í lið og FylkirII með einn varamann. Ef forföll eru í Fylkir þarf að taka stelpu úr FylkirII. Ef fleiri en tvær stelpur detta út gæti ég þurft að fá eina stelpua til að spila með báðum liðum :)

Hilmar Ágúst Björnsson

Hab16@hi.is

BREYTTUR TÍMI Á FORELDRAFUNDI. Fundurinn átti að vera í dag miðvikudaginn 7.10 en færist til fimmtudagsins 8.10 klukkan 20.00 . Það voru bara þrjár sem mættu á æfingu á föstudaginn útaf óveðrinu og því ekki hægt að láta stelpurnar fara heim með miða.

BREYTTUR TÍMI Á FORELDRAFUNDI. Fundurinn átti að vera í dag miðvikudaginn 7.10 en færist til fimmtudagsins 8.10 klukkan 20.00 . Það voru bara þrjár sem mættu á æfingu á föstudaginn  útaf óveðrinu og því ekki hægt að láta stelpurnar fara heim með miða.

 

Foreldra fundur fimmtudaginn 8.nóv Klukkan 20.00

Kæru Foreldrar í 7-8.flokki kvenna

Nú er styttist í fyrsta mótið hjá stelpunum en það verður heldið helgin 16.-18. Nóvember í Umsjón Fram. Verður því haldin foreldra fundum fimmtudaginn 8.Nóv klukkan 20.00 í Fylkishöll. 

Hafið samband við þið komist ekki

Kveðja Þjálfari

Hilmar Á Björnsson

8689971 – hab16@hi.is

Foreldrar og forráðamenn eru hvattir til að fjölmenna á Villibráðarkvöld Fylkis og kynnast aðeins betur.

Hið árlega Villibráðarkvöld Fylkis verður haldið laugardaginn 17. nóvember. Handknattleiksdeildin hefur staðið fyrir þessum viðburði síðustu ár og er þetta nú eitt glæsilegasta villibráðarhlaðborð landsins. Í fyrra urðu því miður margir frá að hverfa þar sem miðar seldust upp. Að þessu sinni flytjum við því hátíðina upp í Fáksheimili sem rýmra verður um mannskapinn og hægt að taka á móti fleiri gestum.
Veislustjórnin verður að þessu sinni í höndum Bjarna töframanns og einhver skemmtiatriði verða að auki. Áður en matarveislan hefst verður vínkynning; það verður happdrætti með fjölda glæsilegra vinninga og að borðhaldi loknu mun hljómsveitin Með allt að láni leika fyrir dansi líkt og undanfarin ár. Miðaverð er kr. 6.900 og hefst miðasala í afgreiðslu Fylkishallar í byrjun nóvember.
Allir Fylkismenn og aðrir unnendur góðrar villibráðar eru hvattir til að mæta - en þarna fá menn með í kaupunum skemmtun og dansleik til viðbótar við frábært villibráðarhlaðborð, um leið og menn styðja við bakið á mikilvægu íþróttastarfi hjá Fylki.
Líkt og undanfarin ár er matseðillinn einstaklega glæsilegur:

Forréttir:

Hreindýrapaté með sultuðum rauðlauk og heimalöguðu rifsberjahlaupi

Grafið lamb með bláberja-vinaigrette

Grafið og reykt nautafile með piparrótarrjóma

Gæsapaté

Villibráðar-tartar með capers og piparrót

Grafnar gæsabringur

Heitreyktar gæsabringur með jarðarberjasósu

Lax í sítrus

Reykt silungamús með hvítlaukssósu

Laxatartar með capers og lime

Heitreykt önd mað jarðarberjasósu og sesam-rucola

Aðalréttir:

Hreindýrabollur í gráðostasósu

Villikryddaðar gæsabringur

Lamba læri í kryddjurtum

Meðlæti:

Ferskt grænmeti

Waldorf salat

Gratin kartöflur

Rifsberjasulta og rauðlaukssulta

Rauðvínslegnar perur

Villibráðarsósa

Nýbakað brauð

Eftirréttur:

Súkkulaðikaka með berjum og rjóma

Foreldra fundur miðvikudaginn 7.nóv Klukkan 20.00

Kæru Foreldrar í 7-8.flokki kvenna

Nú er styttist í fyrsta mótið hjá stelpunum en það verður heldið helgin 16.-18. Nóvember í Umsjón Fram. Verður því haldin foreldra fundum miðvikudaginn 7.Nóv klukkan 20.00 í Fylkishöll. 

Hafið samband við þið komist ekki

Kveðja Þjálfari

Hilmar Á Björnsson

8689971 – hab16@hi.is

Æfingagjöldin eru notuð til að greiða þjálfurum laun og borga mótagjöld og þess háttar.

Einnig má minna á að systkinaafsláttur og millideildarafsláttur fellur niður 1.nóv.

Greiðslur æfingagjalda hjá yngri flokkunum hafa farið óvenju rólega af stað í haust.

Staðan á reikningi félagsins er ekki góð og komið að næsta útborgunardegi launa hjá þjálfurum. Því bið við ykkur um að greiða æfingagjöldin sem fyrst (þau sem að hafa ekki gert það).

Best væri ef þið greidduð þau beint inn á reikning barna- og unglingaráðs hkd, 331-26-5805, kennitala 571083-0519 og setja í skýringu Æfingagjald, nafn barns og flokk.

Æfingagjöldin fyrir veturinn  en hægt er að skipta greiðslunum í tvennt, fyrir haustönn og vorönn.

Ef þið eigið eftir að nota frístundarstyrkinn fyrir 2012 þá endilega nota hann því hann fellur niður um áramót.

Á þessari slóð eru frekari upplýsingar um æfingagjöldin:

http://www.fylkir.com/index.php?option=com_content&view=article&id=399&Itemid=198

Keppt eftir miniboltareglum. 4 leikmenn inná í einu.